Чупу кунĕ.
Çĕнĕ Пăвари пĕтĕмĕшле пĕлÿ паракан вăтам шкулти 4-мĕш класра вĕренекен ачасем спорта питĕ юратаççĕ. Тĕрлĕрен вăйăсем выляма кăмăлланисĕр пуçне çăмăл атлетикăна та килĕштереççĕ. Кăçал пĕтĕм Раççейĕпех иртекен чупу кунне хутшăнма та хапăл турĕç. Кукурузова Диана хăйсен ÿсĕмĕнчи хĕр ачасем хушшинче чи малтан финиша çитме пултарчĕ, Измайлов Денис та 3-мĕш вырăна тухрĕ. Çĕнтерÿçĕсене ял администраци пуçлăхĕ Кузьмин В.И. тав хучĕсем тата парнесем пачĕ.