Энтепери пĕтĕмĕшле пĕлÿ паракан тĕп шкул çумĕнчи  «Малышки» ача садне  ачасем йышлă çÿреççĕ. Вĕсем пурте илемлĕ ÿкерчĕксене, кĕнекесене пăхма, калав, юмах итлеме юратаççĕ. Шкул библиотекарĕ Садовникова Екатерина Викентиевна ачасене кĕнекепе туслаштарас тесе темиçе çул тимлет. «Мĕн пĕчĕкрен ачасем кĕнекене юратчăр, ăслă пулччăр» - тет вăл. Паян ача садĕнчи ачасем библиотекăра пулчĕç. Тĕрлĕ кĕнекене уçа-уçа пăхса  ÿкерчĕксемпе киленчĕç. Садовникова Елена Ивановна воспитателе вуласа пама ыйтрĕç, татах килме пулчĕç.