Çуллахи  каникул  хыçа  юлчĕ. Авăн  уйăхĕн 1-мĕш кунĕ Энтепери пĕтĕмĕшле пĕлÿ паракан тĕп шкул ачасене  шкула йыхравларĕ. Илемлĕ чечексем куçа йăмăхтараççĕ. Йăл-йăл кулса пăхакан сарă хĕвел те ачасене савса пăхать.

Район совечĕн депутачĕ Салахутдинов З.Р. тата районти пĕчĕк шăпăрлансен юратнă методисчĕ Тетерина И.П. çĕнĕ веренÿ çулĕ пуçланнă ятпа ăшă сăмахсем каларĕç.

Уяври сăвă-юрă пурин камăлне те çĕклерĕ. Пĕрремĕш хут шкула килекенсем уйрăмах пăлханчĕç. Пĕлÿ тĕнчи вĕсене хапăл йышăнать. Вĕренÿ çулĕ пуçланчĕ. Пурне те ăнăсусем пулччăр!