«Урхамахсем тăраç тапăртатса…» ăмăртăва пěтěмлетнě

Пурнăç шав малалла чупать… Интернет конкурссем те йăлана кěчěç. Кăçал çакнашкал конкурс шкул ачисемпе çамрăксен тата вĕрентекенсем хушшинче  „Урхамахсем тăраç тапăртатса...”ятпа иртрě

«Урхамахсем тăраç тапăртатса...» интернет конкурса ачасемпе çамрăксене тата чăваш чĕлхипе литературине, културине вĕрентекенсене литература пултарулăхне аталантарас, çутçанталăкри, тăван тавралăхра пулса иртекен чи кăсăк енсене илемлĕ литература мелĕсемпе уçса пама хавхалантарас тĕллевпе йĕркеленĕ, вĕрентекенсен çулталăкне халалланă.

Жанрĕсем: повесть, калав, очерк, пьеса, поэма, сăвă.

 Тема: фантастика е фэнтэзи стилĕпе çырнă хайлавсем. Хайлавра, тĕп вырăнта пулмасан та, лаша сăнарĕ пулмалла.

Пирěн шкултан асăннă конкурса Сазонов В.О. хутшăнчě.

Сазонов  В.О. кунашкал конкурссене пěрре мар хутшăнать, çěнтерÿçěсен йышне те кěнě. Хальхинче те Владислав Олимпьевич конкурсра пěрремěш вырăна тухнине пěлсен эпир коллективěпех савăнтăмăр. Пултаруллă вěрентекенěмěре çав ятпа ăшшăн саламлатпăр, пултарулăх çулě çинче те татах та пысăкрах ÿсěмсем сунатпăр.